'કલાપી' સુરસિંહજી તખ્તસિંહજી ગોહિલ - એક ઘા
એક ઘા
તે પંખીની ઉપર પથરો ફેકતાં ફેકી દીધો,
છૂટયો તે ને અરરર! પડી ફાળ હૈયા મહીં તો!
રે રે! લાગ્યો દિલ પર અને શ્વાસ રૂંધાઇ જાતાં
નીચે આવ્યું તરુ ઉપરથી પાંખ ઢીલી થતાંમાં.
મેં પાળ્યું તે તરફડી મરે હસ્ત મ્હારા જ-થી આ,
પાણી છાંટયું દિલ ધડકતે ત્હોય ઊઠી શક્યું ના;
ક્યાંથી ઊઠે? જ્ખમ દિલનો ક્રૂર હસ્તે કરેલો!
ક્યાંથી ઊઠે! હ્રદય કુમળું છેક તેનું અહોહો!
આહા! કિન્તુ કળ ઊતરી ને આંખ તો ઊધડી એ,
મ્રૂત્યુ થાશે? જીવ ઊગરશે? કોણ જાણી શકે એ?
જીવ્યું, આહા! મધુર ગમતાં ગીત ગાવા ફરીને,
આ વાડીનાં મધુર ફલને ચાખવાને ફરીને.
રે રે! કિન્તુ ફરી કદી હવે પાસ મ્હારી ન આવે,
આવે ત્હોયે ડરી ડરી અને ઇચ્છતું ઊડવાને;
રે રે! શ્રદ્ધા ગત થઇ પછી કોઇ કાળે ન આવે,
લાગ્યા ઘાને વીસરી શકવા કાંઇ સામથ્યૅ ના છે.
- 'કલાપી' સુરસિંહજી તખ્તસિંહજી ગોહિલ (Kalapi - Aek Gha Kalapi no Kekaro. Poems in Gujarati. Literature and art site)
February 28, 2005 in કવિતા (kavita) | Permalink | Comments (4) | TrackBack
February 27, 2005
વિચાર્યુ ના
વિચાર્યુ ના લધુ વયમાં
પછી વિધા ભણ્યાથી શું ?
ખરે વખતે ન કીધું તું
પછી કીધું ન કીધું શું. (jodakna in Gujarati. Literature and art site)
February 27, 2005 in જોડકણા (jodakna), રમુજ (ramuj) | Permalink | Comments (4) | TrackBack
February 26, 2005
તમે ચતુર કરો વિચાર
ચાર ખૂણાનું ચોખંડુ
અધ્ધર ઉડે જાય
રાજા પૂછે રાણીને
આ ક્યુ જનાવર જાય
(પતંગ)
પડી પડી પણ
ભાંગી નહી
કટકા થયા બે ચાર
વગર પાંખે ઉડી ગઇ
તમે ચતુર કરો વિચાર
(રાત) (uukhana in Gujarati. Literature and art site)
February 26, 2005 in ઉખાણા (uukhana), રમુજ (ramuj) | Permalink | Comments (6) | TrackBack
February 25, 2005
અખો - છપ્પા (એક મૂરખને એવી ટેવ)
એક મૂરખને એવી ટેવ, પથ્થર એટલા પૂજે દેવ,
પાણી દેખી કરે સ્નાન, તુલસી દેખી તોડે પાન.
એ અખા વડું ઉતપાત, ઘણા પરમેશ્વર એ ક્યાંની વાત ?
અખો - છપ્પા (Akho - ek moorakh ne avi tev. Poems in Gujarati. Literature and art site)
February 25, 2005 in છપ્પા (chhpPa) | Permalink | Comments (3) | TrackBack
February 24, 2005
શંભુ ચરણે પડી,
શંભુ ચરણે પડી, માગું ઘડી રે ઘડી કષ્ટ કાપો ।
દયા કરી દર્શન શિવ આપો ॥૧॥
તમે ભક્તોના દુઃખ હરનારા, શુભ સૌનું સદા કરનારા ।
મારી મંદ મતિ, તારી અકળ ગતિ, કષ્ટ કાપો ॥૨॥ દયા કરી
અંગે ભસ્મ સ્મશાનની ચોળી, સંગે રાખો સદા ભૂત ટોળી ।
ભાલે તિલક કર્યુ, કંઠે વિષ ધર્યુ, અમૃત આપો ॥૩॥ દયા કરી
નેતિ નેતિ જ્યાં વેદ કહે છે, મારું ચિતડું ત્યાં જવા ચહે છે ।
સારા જગમાં છે તું, વસું તારામાં હું, શક્તિ આપો ॥૪॥ દયા કરી
હું તો એકલપંથ પ્રવાસી, છતાં આતમ કેમ ઉદાસી ।
થાક્યો મથી રે મથી, કારણ મળતું નથી, સમજણ આપો ॥૫॥ દયા કરી
આપો દ્રષ્ટિમાં તેજ અનોખું, સારી સૃષ્ટિમાં શિવરુપ દેખું ।
આવી દિલમાં વસો, આવી હૈયે હસો, શાંતિ સ્થાપો ॥૬॥ દયા કરી
ભોળાશંકર ભવદુઃખ કાપો, નિત્ય સેવાનું શુભ ધન આપો ।
ટાળો મન મદા, ગાળો સર્વ સદા, ભક્તિ આપો ॥૭॥ દયા કરી
શંભુ ચરણે પડી, માગું ઘડી રે ઘડી કષ્ટ કાપો ॥૮॥ દયા કરી
સાંભળો (click to listen)(Shambhu sharane padi. Bhajans Aartis in Gujarati. Literature and art site)
February 24, 2005 in ભજન-આરતી (bhajan-aarti), સંગીત સાથે (audio) | Permalink | Comments (1) | TrackBack
February 23, 2005
પ્રીતી સેનગુપ્તા - એક પંખીનાં પીંછાં સાત
કોઇનું મન હોઇ શકે છે પંખીની જાત. ગાતું રહે છે એ દીવસ ને રાત. આકાશ પ્રત્યે છે એને પક્ષપાત અને ફેલાતી પાંખે છે મોટી સોગાત. એકલાં ઊડતાં રહેવામાં એને નથી હોતો ડર કે નથી એને લાગતો કશોયે અચકાટ.
- પ્રીતી સેનગુપ્તા (Priti Sengupta - Ek Pankhina Pichha Saat. Travel in Gujarati. Literature and art site)
February 23, 2005 in વિચારો (vicharo) | Permalink | Comments (0) | TrackBack
February 22, 2005
જગદીશ જોષી - વાતોની કુંજગલી
વાતોની કુંજગલી
વાતે વાતે તને વાંકું પડયું :
ને મેં વાતોની કુંજગલી છોડી દીધી.
શબ્દોને પંથ કોણ કોને નડયું ?
મેં તો વાતોની કુંજગલી છોડી દીધી.
આંખોમાં વાદળાં ને શ્વાસોમાં વાયરા :
પણ અડકો તો ભોમ સાવ કોરી :
તારા તે કાન લગી આવી ઢોળાઇ ગઇ
હોઠ સમી અમરત કટોરી.
પંખીની પાંખમહીં પીંછુ રડયું :
મેં તો વાતોની કુંજગલી છોડી દીધી.
હવે ખળખળતાં ટળટળતાં અંધાર્યા જળ
કે અણધાર્યો તૂટી પડયો સેતુ :
પાસે રહીને મને લાગે છે કેમ હવે
કેટલાય જનમોનું છેટું !
મારાં સપનાંને વેદનાનું વૈકુંઠ જડયું :
ને મેં તો વાતોની કુંજગલી છોડી દીધી.
- જગદીશ જોષી (Jagdish Joshi - Vaato ni Kunjgali. Poems in Gujarati. Literature and art site)
February 22, 2005 in કવિતા (kavita) | Permalink | Comments (0) | TrackBack
February 21, 2005
રમેશ પટેલ (પ્રેમોર્મિ) - સખી રે, મારી તું તો પતંગ ને હું દોર
સખી રે, મારી તું તો પતંગ ને હું દોર
કાપી ના કાપે એવી જોડ.
તારે તો જાવું પેલા, અંબરને આંજવાને
મારી રે સાથે જોડાજોડ
તું તો પતંગ રંગ ધેરો ગુલાબી ને
મારો રે રંગ છે અજોડ.
તારો રે ઘાટ મને મનગમતો મળીયો ને
તુંથી બંધાયો "હું" અજોડ.
તેં તો તારે માથે ફૂમતાં લટકાબવીયાંને
મારો એ "માંજો" અજોડ.
તું તો અનંત આભ ઊડતી ને ઊડતી
છોડે ના "સંગ" તું અજોડ.
- રમેશ પટેલ (પ્રેમોર્મિ) (Ramesh Patel (Premorni) - Sakhi re, mari tu to patang ne hu doar. Poems in Gujarati. Literature and art site)
February 21, 2005 in કવિતા (kavita) | Permalink | Comments (1) | TrackBack
February 20, 2005
ઝવેરચંદ મેઘાણી - કેવી હશે ને કેવી નૈ
કોઇ દી સાંભરે નૈ
મા મને કોઇ દી સાંભરે નૈ
કેવી હશે ને કેવી નૈ
મા મને કોઇ દી સાંભરે નૈ
કોક કોક વાર વળી રમ્મત વચાળે મારા
કાનમાં ગણગણ થાય,
હુ તુ તુ તુની હડિયાપાટીમાં
માનો શ્બ્દ સંભળાય -
મા જાણે હીંચ્કોરતી વઇ ગઇ
હાલાંના સૂર થોડા વેરતી ગઇ... કોઇ દી સાંભરે નૈ
- ઝવેરચંદ મેઘાણી (Jhaverchand Meghani - kevi hashae ne kavi nahi. Poems in Gujarati. Literature and art site)
February 20, 2005 in કવિતા (kavita) | Permalink | Comments (0) | TrackBack
February 19, 2005
મીરાં બાઇ - જૂનું તો થયું રે દેવળ
જૂનું તો થયું રે દેવળ જૂનું તો થયું,
મારો હંસલો નાનો ને દેવળ જૂનું તો થયું.
આ રે કાયા હંસા, ડોલવાને લાગી રે,
પડી ગયા દાંત, માયલું રેખું તો રહ્યું. મારો ...
તારે ને મારે હંસા, પ્રીત્યું બંધાણી રે,
ઊડી ગયો હંસ, પીંજર પડી રે રહ્યું. મારો ...
બાઇ મીરાં કહે છે પ્રભુ ગિરિધરના ગુણ,
પ્રેમનો પ્યાલો તમને પાઉં ને પીઉં. મારો ...
- મીરાં બાઇ સાંભળો (click to listen)(Mira Bai, Meera Bai, Meerabai, Mirabai - Junu re thayu re deval. Poems in Gujarati. Literature and art site)
February 19, 2005 in કવિતા (kavita), લોક સાહિત્ય (lok sahitya), સંગીત સાથે (audio) | Permalink | Comments (4) | TrackBack
February 18, 2005
અખો - છપ્પા (તિલક કરતાં ત્રેપન થયાં)
તિલક કરતાં ત્રેપન થયાં, જપમાલાનાં નાકાં ગયાં,
તીરથ ફરી ફરી થાકયા ચરણ તોય ન પોહોતો હરિને શરણ.
કથા સુણી સુણી ફૂટ્યા કાન, અખા તોય ન આવ્યું બ્રહ્મજ્ઞાન.
અખો - છપ્પા (Akho - Tilak karta trepan thaiya. Poems in Gujarati. Literature and art site)
February 18, 2005 in છપ્પા (chhpPa) | Permalink | Comments (2) | TrackBack
February 17, 2005
લોક સાહિત્ય - દેવના દીધેલ
તમે મારા દેવના દીધેલ છો,
તમે મારા માગી લીધેલ છો,
આવ્યા ત્યારે અમર થઇને રો’ !
તમે મારું નગદ નાણું છો,
તમે મારું ફૂલ વસાણું છો,
આવ્યા ત્યારે અમર થઇને રો’ !
લોક સાહિત્ય - દેવના દીધેલ (Lok Sahitya - Tame mara dev na didhael chho. Poems in Gujarati. Literature and art site)
February 17, 2005 in કવિતા (kavita), લોક સાહિત્ય (lok sahitya), હાલરડું (halardu) | Permalink | Comments (3) | TrackBack
February 16, 2005
નરસિંહ મહેતા - વૈષ્ણવ જન
વૈષ્ણવ જન તો તેને કહીએ જે પીડ પરાઈ જાણે રે
પર દુઃખે ઉપકાર કરે તોયે મન અભિમાન ન આણે રે
સકળ લોકમાં, સહુને વંદે, નિંદા ન કરે કેની રે
વાચ કાછ મન નિશ્ચલ રાખે, ધન ધન જનની તેની રે
સમ દ્રષ્ટીને તૃષ્ણા ત્યાગી, પર સ્ત્રી જેને માત રે
જીહ્વા થકી અસત્ય ન બોલે, પર ધન નવ ઝાલે હાથ રે
મોહ માયા વ્યાપે નહિ જેને, દ્રઢ વૈરાગ્ય જેના મનમાં રે
રામ નામ શું તાળી લાગે, સકળ તિરથ તેના તનમાં રે
વણ લોભીને કપટ રહિત છે, કામ ક્રોધ નિવાર્યા રે
ભણે નરસૈંયો તેનું દર્શન કરતાં કુળ ઈકોતેર તાર્યા રે
-નરસિંહ મહેતા સાંભળો (click to listen)(Narsi Mehta - Vaishnava Jan. Poems in Gujarati. Literature and art site)
February 16, 2005 in કવિતા (kavita), સંગીત સાથે (audio) | Permalink | Comments (2) | TrackBack
February 15, 2005
જગદીશ જોષી - અમે
ખોબો ભરીને અમે એટલું હસ્યાં
કે કુવો ભરીને અમે રોઇ પડયાં.
ખટમીઠાં સપનાંઓ ભૂરાં ભૂરાં
કુંવારાં સોળ વરસ તૂરાં તૂરાં
અમે ધુમ્મસના દરિયામાં એવાં ડૂબ્યાં
કે હોડી-ખડક થઇ અમને નડયાં.
કયાં છે વીંટી અને કયાં છે રૂમાલ?
ઝૂરવા કે જીવવાનો કયાં છે સવાલ !
કૂવો ભરીને અમે એટલું રડયાં
કે ખોબો ભરીને અમે મોહી પડયાં.
- જગદીશ જોષી (Jagdish Joshi - Amae. Poems in Gujarati. Literature and art site)
February 15, 2005 in કવિતા (kavita) | Permalink | Comments (7) | TrackBack
February 14, 2005
વેલેંનટાઇન ડે
(Valentine day. Poems in Gujarati. Literature and art site)
February 14, 2005 in રમુજ (ramuj) | Permalink | Comments (3)
February 13, 2005
અવિનાશ વ્યાસ - માડી તારું કંકુ ખર્યુ
માડી તારું કંકુ ખર્યુ ને સુરજ ઊગ્યો,
નભમાંથી જાણે પ્રભુતાએ પગ મુક્યો
કંકુ ખર્યુ ને સુરજ ઊગ્યો .... માડી તારું કંકુ
મંદિર સરજાવ્યું ને ઘંટારવ ગાજ્યો,
નભનો ચંદરવો માએ આંખ્યુંમાં આંજ્યો,
દિવો થાવા મંદિરનો ચાંદો આવી પૂગ્યો
કંકુ ખર્યુ ને સુરજ ઊગ્યો .... માડી તારું કંકુ
માવડીના રથના ઘૂઘરા બોલ્યા,
અજવાળી રાતે માએ કુમકુમ વેર્યા,
ગગનનો ગરબો માના ચરણોમાં જુક્યો,
કંકુ ખર્યુ ને સુરજ ઊગ્યો .... માડી તારું કંકુ
- અવિનાશ વ્યાસ (Avinash Vyas Madi Taru Kanku. Garba in Gujarati. Literature and art site)
February 13, 2005 in ગરબા - રાસ (garba- raas) | Permalink | Comments (2)
February 12, 2005
માલા કાપડિયા
કદાચ તારી ઇચ્છા
મને અફાટ આકાશ આપવાની છે
નાની નાની આકાંક્ષાઓમાં
હું અટવાઇ જાઉ એ તને ન ગમે
પણ પ્રિય,
પંખીને આકશ કરતાં
નીડ વધુ ગમે
એ તું જાણે છે? (Mala Kapadia - Best Poetess. Poems in Gujarati. Literature and art site)
February 12, 2005 in કવિતા (kavita) | Permalink | Comments (0) | TrackBack
February 11, 2005
નરસિંહ મેહતા - અખિલ બ્રહ્માંડમાં એક તું શ્રીહરિ
અખિલ બ્રહ્માંડમાં એક તું શ્રીહરિ,
જુજવે રૂપ અનંત ભાસે;
દેહમાં દેવ તું, તેજમાં તત્વ તું,
શૂન્યમાં શબ્દ થઇ વેદ વાસે,
અખિલ બ્રહ્માંડમાં એક તું શ્રીહરિ ...
પવન તું, પાણી તું, ભૂમિ તું ભૂધરા,
વ્રક્ષ્ર થઇ ફૂલી રહ્યો આકાશે;
વિવિધ રચના કરી અનેક રસ લેવાને,
શિવ થકી જીવ થયો એ જ આશે,
અખિલ બ્રહ્માંડમાં એક તું શ્રીહરિ ...
વેદ તો એમ વદે શ્રુતિ-સ્મ્રતિ સાખ દે,
કનક કુંડલ વિષે ભેદ ન્હોયે;
ઘાટ ઘડિયા પછી નામરૂપ જૂજવાં,
અંતે તો હેમનું હેમ હોયે,
અખિલ બ્રહ્માંડમાં એક તું શ્રીહરિ ...
વ્રક્ષમાં બીજ તું, બીજમાં વ્રક્ષ્ર તું,
જોઉં પટંતરો એ જ પાસે;
ભણે નરસૈયો એ જ મન તણી શોધના,
પ્રીત કરું પ્રેમથી પ્રગટ થાશે,
અખિલ બ્રહ્માંડમાં એક તું શ્રીહરિ ...
-નરસિંહ મહેતા સાંભળો (click to listen)(Narsi Mehta - Akhil Bhraman ma. Poems in Gujarati. Literature and art site)
February 11, 2005 in પ્રભાત્યા (prabhatiya), સંગીત સાથે (audio) | Permalink | Comments (3) | TrackBack
February 10, 2005
શું જાણે!
જીવન માં જસ નથી, પ્રેમ માં રસ નથી; દુનિયા માં કસ નથી,
જાવું છે સ્વર્ગ માં, પણ એની કોઇ બસ નથી.
દિલ ના દર્દો ને પિનારો શું જાણે, પ્રેમ ના રીવાજો ને જમાનો શું જાણે;
છે કેટલી તકલીફ કબરમાં, તે ઉપરથી ફૂલ મુકનારો શું જાણે!
જીદગીને જીવવાની ફિલસુફી સમજી લીધી, જે ખુશી આવી જીવનમાં,
આખરી સમજી લીધી!
શું કરું ફરીયાદ તારી, ફરીયાદ માં યાદ છે. ફરી ફરી ને યાદ તારી,
એજ મારી ફરીયાદ છે! (shu Jane. Shayari in Gujarati. Literature and art site)
February 10, 2005 in શાયરી (shayari) | Permalink | Comments (1) | TrackBack
February 09, 2005
ત્રિભુવન ગૌરીશંકર વ્યાસ - બિલાડી
મેં એક બિલાડી પાળી છે
તે રંગે બહુ રુપળી છે
તે હળવે હળવે ચાલે છે
ને અંધારામાં ભાળે છે
તે દહીં ખાય - દૂધ ખાય
ઘી તો ચપચપ ચાટી જાય
તે ઉંદરને જટપટ ઝાલે
પણ કૂતરાથી બીતી ચાલે
તેના ડીલ પર ડાઘ છે
તે મારા ઘરનો વાઘ છે
- ત્રિભુવન ગૌરીશંકર વ્યાસ (Tribhuvan Gaurishankar Vyas - Biladi. Poems in Gujarati. Literature and art site)
February 9, 2005 in બાળ ગીતો (bal geeto) | Permalink | Comments (1)
February 08, 2005
એન. ર. આઇ. ફાધર્સ ડે
(ખાસ તૂષારભાઇની ફરમાઇશ પર)
(Himanshu Bhatt Poems in Gujarati)
February 8, 2005 in કવિતા (kavita) | Permalink | Comments (4)
February 07, 2005
જીદગી
અમારી જીદગીથી એ રમત કેવી રમી બેઠા
અમે પણ એ રમતમાં કેટલાં ઘાવો ખમી બેઠા. (Zindagi. Ghazal in Gujarati. Literature and art site)
February 7, 2005 in ગઝલ (ghazal) | Permalink | Comments (2)
February 06, 2005
વજુ કોટક
તમે ફરિયાદ કરો છો કે તમારી અને આપણી મુલાકાત થતી નથી. પણ હું તમને કેવી રીતે સમજાવું કે અનેક રીતે હું તમારી મુલાકાત લઉં છું.
વહેલી પ્રભાતે પંખીઓનાં કંઠમાં સંગીત બનીને હું તમને જગાડું છું અને સૂર્યનાં કિરણોના પોશાક ધારણ કરીને હું તમારા દર્શન કરવા આવું છું. મંદિર તરફ જ્યારે તમે પગલાં માંડો છો ત્યારે ઘંટનાદમાં છુપાઇને હું તમારું સ્વાગત કરું છું અને એમને ચરણે પુષ્પો ધરો છો ત્યારે પ્રભાતનાં પુષ્પો બનીને હું જ તમારા હાથમાં શોભું છું.
સૂર્યથી તેજ છૂટું પડી શકતું નથી, અને સાગરથી મોજાં વિખૂટાં પડતાં નથી અને વસ્તુમાંથી છાયા દૂર થઇ શકતી નથી તો પછી તમે જ કહો કે તમે અને હું જુદા કેવી રીતે છીએ ? 
(Vaju Kotak Gujarati Chitralekha. Literature and art site)
February 6, 2005 in વિચારો (vicharo) | Permalink | Comments (4)
February 05, 2005
આપણાનો કરીએ ગુલાલ
(Gujarat Handicraft Artwork. Literature and art site)
February 5, 2005 in કળા (kalla) | Permalink | Comments (3)
February 04, 2005
અહેમદ ગુલ - મૌન પડઘાયા કરે
(ખાસ દિપિકાબહેનને આભારી છીએ આ ગઝલ અંગ્રેજીમાં અભિપ્રાયમાં મોકલવા બદલ)
મૌન પડઘાયા કરે
મૌન પડઘાયા કરે
શબ્દ સંતાયા કરે
માનવી એવા મળે
કે ન સમજાયા કરે
ભુલવા જેને મથુ
એજ દેખાયા કરે
ઉત્તરો છે લાખ
પ્રશ્નો પુછાયા કરે
"આપણા" ની કરવતે
લોક વેહરાયા કરે
કેમ ખીલીને પાછું
પુષ્પ કરમાયા કરે
"ગુલ" દિવસ તો જાય પણ
રાત ગભરાયા કરે (Ahmed Gul - Maun Padhaya kare. Poems in Gujarati. Literature and art site)
February 4, 2005 in ગઝલ (ghazal) | Permalink | Comments (7)
February 03, 2005
હસે તેનું ઘર વસે
ડ્રસમાં તમે સારા લાગો છો, પંજાબીમાં તમે પયારા લાગો છો,
સાડીમાં કોઇ દી તમને જોયા નથી, માટે તમે કુવારા લાગો છો. (Humor / fun in Gujarati. Literature and art site)
February 3, 2005 in રમુજ (ramuj), શાયરી (shayari) | Permalink | Comments (4)
February 02, 2005
નાનપણની વાતો
પંખીને
પેલા પેલા પંખીને જોઇ મને થાય
એ ના જેવી જો પાંખ મળી જાય ...
આભલે બસ ઉડયા જ કરુ
બસ ઉડયા જ કરુ
પેલા ડુંગરાની ટોચે
મારી આંખ ત્યાં જઇ પહોંચે
ધડિયાળમાં દસ વાગે
ટન - ટન - ટન ટન ટન - ટન - ટન
બચુ ક્યા? બચુ ક્યા?
બા શોધવાને આવે
બાપા શોધવાને આવે
બા ઢીંગલી જેવા
બાપા ઢીંગલા જેવા
ટન - ટન - ટન ટન ટન - ટન - ટન
પેલા પેલા પંખીને જોઇ મને થાય
એ ના જેવી જો પાંખ મળી જાય ... (nursery rhyme bal geeto in Gujarati. Literature and art site)
February 2, 2005 in બાળ ગીતો (bal geeto) | Permalink | Comments (1)
February 01, 2005
મકરંદ દવે નું નિધન શબ્દો સ્તબ્ધ
(Makrand Dave - Zindagi ni aa majal ma. Poems in Gujarati. Literature and art site)
February 1, 2005 in કવિતા (kavita), સમાચાર (samachar) | Permalink | Comments (2)
હકોબા સાડી
કોઇ પણ 20 હકોબા સાડીઓ ફક્ત $500 માં (મૂળ કિંમત એકની $40 - $65)
(Hakoba sarees / saris)
February 1, 2005 in સમાચાર (samachar) | Permalink | Comments (1)