નિરંજન ભગત - ફરવા આવ્યો છું
હું તો બસ ફરવા આવ્યો છું.
હું ક્યાં એકે કામે તમારું કે મારું કરવા આવ્યો છું?
અહીં પથ પર શી મધુર હવા
ને ચહેરા ચમકે નવા નવા!
-- રે ચાહું ન પાછો ઘેર જવા!
હું ડગ સાત સુખે ભરવા અહીં સ્વપ્રમહીં સરવા આવ્યો છું!
જાદુ એવો જાય જડી
કે ચાહી શકું ચાર ઘડી
ને ગાઇ શકું બે ચાર ઘડી
તો ગીત પ્રેમનું આ પ્રુથ્વીના કર્ણપટે ધરવા આવ્યો છું.
હું તો બસ ફરવા આવ્યો છું.
- નિરંજન ભગત (Niranjan Bhagat - Farva aaviyo chhu. Poems in Gujarati. Literature and art site)
April 30, 2005 in કવિતા (kavita) | Permalink | Comments (4) | TrackBack
April 29, 2005
જયંત પાઠક -પ્રીત
એક એવી તે પ્રીત અમે કીધી
કે ઘૂંટમાં આખી પિયાલી પીધી !
- જયંત પાઠક
(Jayant Pathak - Preet. Poems in Gujarati. Literature and art site)
April 29, 2005 in ગઝલ (ghazal) | Permalink | Comments (0) | TrackBack
April 27, 2005
મીરાં બાઇ - આયો બસંત, કંત ઘર નાહીં
- મીરાં બાઇ (Mira Bai, Meera Bai, Meerabai, Mirabai - aayo vasant. Poems in Gujarati. Literature and art site)
April 27, 2005 in કવિતા (kavita), લોક સાહિત્ય (lok sahitya) | Permalink | Comments (0) | TrackBack
April 26, 2005
દેણદાર લેણદાર
દેણદાર લેણદાર
હું તારા દિલ નો દેવાદાર, તું મારા દિલની લેણદાર
હજી હવાલા પાડવાના બાકી છે
અને તારો બાપ વારસીક હીસાબો માંગે છે .... (Humor / fun in Gujarati. Literature and art site)
April 26, 2005 in રમુજ (ramuj) | Permalink | Comments (0) | TrackBack
April 24, 2005
પ્રેમ
બોલ્યા કરે એ મૈત્રી,
ચુપ રહે એ પ્રેમ.
મિલન કરાવે એ મૈત્રી,
જુદાઇ સતાવે એ પ્રેમ.
હસાવે એ મૈત્રી,
રડાવે એ પ્રેમ.
તો પણ લોકો મૈત્રી મુકીને કેમ કરે છે પ્રેમ ?? (Vicharo in Gujarati. Literature and art site)
April 24, 2005 in વિચારો (vicharo) | Permalink | Comments (1) | TrackBack
April 23, 2005
નિર્મિશ ઠાકર - નાપાસ વિધાર્થીઓને !
- નિર્મિશ ઠાકર (Nirmish Thakar - Napas Vidhyarthi o ne . Poems in Gujarati. Literature and art site)
April 23, 2005 in કવિતા (kavita) | Permalink | Comments (2) | TrackBack
April 22, 2005
ઝવેરચંદ મેઘાણી - ફાગણનો ફાગ
- ઝવેરચંદ મેઘાણી (Jhaverchand Meghani - Faagan no faag. Poems in Gujarati. Literature and art site)
April 22, 2005 in કહેવતો (kahvatoe) | Permalink | Comments (1) | TrackBack
April 21, 2005
નિરંજન ભગત - રંગ
કાળની કેડીએ ઘડીક સંગ,
રે ભાઇ, આપણો ઘડીક સંગ;
આતમને તોય જનમોજનમ
લાગી જશે એનો રંગ !
- નિરંજન ભગત
(Niranjan Bhagat -Rang Poems in Gujarati. Literature and art site)
April 21, 2005 in શાયરી (shayari) | Permalink | Comments (0) | TrackBack
April 19, 2005
રમેશ પટેલ (પ્રેમોર્મિ) - આવીને દેતીતું સાદ
કેટલીએ વાર મારા અંતરના બારણાએ આવીને દેતીતું સાદ
સૂતાં કે જાગતાં સ્મરણોના ઓરડામાં આવે છે ગુંજતો એ નાદ
દૂરે અધિક મુજથી, અંગ અંગ તોયે તોયે જાણે કે મારી નજીક
પૂરે અજાણતામાં અંગ થાતાં થાતાં, જાણે કે આતમડો એક
મૌન મહીં મૌન રહીને, હ્રદય નીકુંજે પેલો કેકા કરે મનનો મોર
ત્યારે જાણે મારાં રોમ રોમ જાગી જાતાં, આનંદ આનંદ છોર
- રમેશ પટેલ (પ્રેમોર્મિ) (Ramesh Patel (Premorni) - Aavi ne deti tu saad. Poems in Gujarati. Literature and art site)
April 19, 2005 in કવિતા (kavita) | Permalink | Comments (2) | TrackBack
April 17, 2005
રાખનાં રમકડાં મારા રામે રમતાં રાખ્યાં રે
રાખનાં રમકડાં મારા રામે રમતાં રાખ્યાં રે
મ્રત્યુલોકની માટીમાંથી માનવ કહીને ભાક્યાં રે
રાખનાં રમકડાં, રમકડાં ...
બોલે ડોલે રોજ રમકડાં, નિત નિત ગમતું માંગે
આ મારું આ તારું કહીને એકબીજાને ભાંડે રે,
રાખનાં રમકડાં, રમકડાં ...
એઇ કાચી માટીને કાયામાંથી માયા કેરા રંગ લગાયા
એજી ઢીંગલા ઢીંગલીએ ઘર માંડ્યાં ત્યાં તો વિંઝણલા વિંઝાયા રે
રાખનાં રમકડાં, રમકડાં ...
તંત અનંતનો તંત ન તૂટ્યો ને રમત અધૂરી રહી,
તનડા ને મનડાની વાતો આવી એવી ગઇ,
રાખનાં રમકડાં, રમકડાં ... (raakh naa ramkada Bhajan aarti, prabhatiya, lok sahitya in Gujarati. Literature and art site)
April 17, 2005 in પ્રભાત્યા (prabhatiya), ભજન-આરતી (bhajan-aarti), લોક સાહિત્ય (lok sahitya) | Permalink | Comments (1) | TrackBack
April 15, 2005
વજુ કોટક - પ્રભાતનાં પુષ્પો
અમે માટીમાંથી આવ્યા હતા અને માટીમાં મળી ગયા છીએ. એ તમે જાણો છો તો પછી શા માટે તમારી સમક્ષ જે માટી પડી છે એમાં તમે અમારું દર્શન નથી કરતાં?
ફરી એ જ માટીમાંથી પ્રભાતનાં પુષ્પો સ્વરૂપે હું તમારી સમક્ષ રજૂ થયો છું. કહી દઉં છું કે મારાં રૂપ, રંગ કે આકાર સાથે માયા ન બાંધતા, પણ જે સુવાસ લઇને હું આવ્યો છું એ જો અંતરમાં સંધરશો તો પછી તમને ચારેબાજુ આ સૃષ્ટિ પુષ્પોથી ભરેલી જ દેખાશે.
(Vaju Kotak - Prabhat na puspo. Gujarati Chitralekha. Literature and art site)
April 15, 2005 in વિચારો (vicharo) | Permalink | Comments (2) | TrackBack
April 13, 2005
મૂળ રંગ
લાલ પીળો ને વાદળી
એ મૂળ રંગ કહેવાય
બાકીના બીજા બધાં
મેળવણીથી થાય. (Mool rang. Bal geet, jodakna, Poems in Gujarati. Literature and art site)
April 13, 2005 in જોડકણા (jodakna), બાળ ગીતો (bal geeto) | Permalink | Comments (2) | TrackBack
April 11, 2005
નિર્મિશ ઠાકર - ફલેટને ત્રીજે માળથી
- નિર્મિશ ઠાકર (Nirmish Thakar - flat ne trijae maal thi . Poems in Gujarati. Literature and art site)
April 11, 2005 in કવિતા (kavita) | Permalink | Comments (2) | TrackBack
April 09, 2005
ચંદ્રકાંન્ત શેઠ - શોધતાં
શોધતો જેની પગલી, એનો મારગ શોધે મને;
એક્બેજાંને શોધતાં ગયાં દૂર, તો આવ્યાં કને.
- ચંદ્રકાંન્ત શેઠ (Chandrakant Sheth - Shodhatoi. Poems in Gujarati. Literature and art site)
April 9, 2005 in શાયરી (shayari) | Permalink | Comments (1) | TrackBack
April 08, 2005
મોનીકા શાહ - તમે
નજરોથી અમારી વિંધાઇ ગયા તમે,
યાદમાં અમારી ડરી ગયા તમે,
વરસોથી મળવા આતુર થઇ ગયા તમે,
જોઇ ને અમને લાગણીમાં ભીંજાઇ ગયા તમે,
એ ભ્રમ હતો અમારો કે,
સપનોમાં અમારા ખોવાઇ ગયા તમે.
- મોનીકા શાહ (Monica Shah - Tame. Poems / Shayari in Gujarati. Literature and art site)
April 8, 2005 in શાયરી (shayari) | Permalink | Comments (3) | TrackBack
April 06, 2005
'કલાપી' સુરસિંહજી તખ્તસિંહજી ગોહિલ - આપની યાદી
આપની યાદી
જ્યાં જ્યાં નજર મ્હારી ઠરે યાદી ભરી ત્યાં આપની;
આંસુ મહીં એ આંખથી યાદી ઝરે છે આપની!
માશૂકોના ગાલની લાલી મહીં લાલી, અને
જ્યાં જ્યાં ચમન જ્યાં જ્યાં ગુલો ત્યાં ત્યાં નિશાની આપની!
જોઉં અહીં ત્યાં આવતી દરિયાવની મીઠી લહર,
તેની ઉપર ચાલી રહી નાજુક સવારી આપની!
તારા ઉપર તારા તણાં ઝૂમી રહ્યાં જે ઝૂમખાં,
તે યાદ આપે આંખને ગેબી કચેરી આપની!
આ ખૂનને ચરખે અને રાતે હમારી ગોદમાં,
આ દમબદમ બોલી રહી ઝીણી સિતારી આપની!
આકાશથી વર્ષાવતા છો ખંજરો દુશ્મન બધા;
યાદી બનીને ઢાલ ખેંચાઇ રહી છે આપની!
દેખી બૂરાઇ ના ડરું હું, શી ફિકર છે પાપની?
ધોવા બૂરાઇને બધે ગંગા વહે છે આપની!
થાકું સિતમથી હોય જ્યાં ના કોઇ ક્યાં એ આશના;
તાજી બની ત્યાં ત્યાં ચડે પેલી શરાબી આપની!
જ્યાં જ્યાં મિલાવે હાથ યારો ત્યાં મિલાવી હાથને,
અહેસાનમાં દિલ ઝૂકતું, રહેમત ખડી ત્યાં આપની!
પ્યારું તજીને પ્યાર કોઇ આદરે છેલ્લી સફર;
ધોવાઇ યાદી ત્યાં રડાવે છે જુદાઇ આપની!
રોઉં ન કાં એ રાહમાં બાકી રહીને એકલો?
આશકોના રાહની જે રાહદારી આપની!
જૂનું નવું જાણું અને રોઉં હસું તે તે બધું;
જૂની નવી ના કાંઇ તાજી એક યાદી આપની!
ભૂલી જવાતી છો બધી લાખો કિતાબો સામટી;
જોયું ન જોયું છો બને જો એક યાદી આપની!
કિસ્મત કરાવે ભૂલ તે ભૂલો કરી નાખું બધી;
છે આખરે તો એકલી ને એ જ યાદી આપની!
- 'કલાપી' સુરસિંહજી તખ્તસિંહજી ગોહિલ (Kalapi - Aapni Yaadi. Poems in Gujarati. Literature and art site)
April 6, 2005 in કવિતા (kavita) | Permalink | Comments (3) | TrackBack
April 04, 2005
ચંપકલાલ વ્યાસ - પિતાની ઝૂંપડી મધ્યે
પિતાની ઝૂંપડી મધ્યે પાંચ પુત્રો વસી શકે,
પુત્રોના પાંચ મ્હેલોમાં પિતા એક સમાય કે?
- ચંપકલાલ વ્યાસ (Champaklal Vyas - Pitaa ni jhupadima. Poems in Gujarati. Literature and art site)
April 4, 2005 in વિચારો (vicharo) | Permalink | Comments (5) | TrackBack
April 02, 2005
હસે તેનું ઘર વસે
લોકો કહે છે કે "હસ્યા તેના ઘર વસ્યા"
પરંતુ એ કોણ જાણે છે કે -
ઘર વસ્યા પછી કેટલા હસ્યા? (Humor / fun / shayari in Gujarati. Literature and art site)
April 2, 2005 in રમુજ (ramuj), શાયરી (shayari) | Permalink | Comments (6) | TrackBack
April 01, 2005
મકરંદ દવે - ગમતાંનો કરીએ ગુલાલ
ગમતું મળે તો અલ્યા, ગુંજે ન ભરીએ
ને ગમતાંનો કરીએ ગુલાલ.
આડા દે આંક એ તો ઓશિયાળી આંગળી,
પંડમાં સમાય એવી પ્રીતિ તો પાંગંળી,
સમંદરની લ્હેર લાખ સુણી ક્યાંય સાંકળી?
ખાડા ખાબોચિયાને બાંધી બેસાય,
આં તો વરસે ગગનભરી વ્હાલ.
ગાંઠે ગરથ બાંધી ખાટી શું જિંદગી?
સરી સરી જાય એને સાચવશે ક્યા લગી?
આવે તે આપ કરી પળમાં પસંદગી,
મુઠ્ઠીમાં રાખતાં તો માટીની પાંદડી
ને વેર્યે ફોરમનો ફાલ.
ગમતું મળે તો અલ્યા, ગુંજે ન ભરીએ
ને ગમતાંનો કરીએ ગુલાલ.
- મકરંદ દવે(Makrand Dave - Gamta no kariyae gulal. Poems in Gujarati. Literature and art site)
April 1, 2005 in કવિતા (kavita) | Permalink | Comments (3) | TrackBack