હરીન્દ્ર દવે - જ્યાં ચરણ
જ્યાં ચરણ રુકે ત્યાં કાશી.
ઝાકળના બિંદુમાં જોયો
ગંગાનો જલરાશિ.
-હરીન્દ્ર દવે (Harindra Dave - Jya charan. Vicharo in Gujarati. Literature and art site)
June 28, 2005 in વિચારો (vicharo) | Permalink | Comments (0) | TrackBack
June 26, 2005
કેશવલાલ હરગોવિંદદાસ શેઠ - ભૂલી પંથ ભમું દિનરાત
ભૂલી પંથ ભમું દિનરાત રે,
કોઇ સંત! બતાવો જી વાટ.
ઊગે સૂરજ વળી આથમે એવી ન્હોતી મારી મૂળ ભોમ;
જ્યોતિ અખંડ ઝગે જહીં જેનાં તેજ ઢળે વીંધી વ્યોમ :
કોઇ સંત બતાવો એ વાટ : ભૂલી...
સંસારને ઊને વાયરે થાયે ઘરઘરના દીપ ગૂલ :
જીવન એવાં અહીંનાં વ્હેંતિયાં, મારે મુલક અમરોનાં કુળ :
કોઇ સંત બતાવો એ વાટ: ભૂલી...
ઉષાને અધરે ખીલતો ને સંધ્યાને કાંઠે વિલાય, :
એવા રે સ્નેહને સોણલે મારું જીવતર ઝોલાં ખાય :
કોઇ સંત બતાવો દિવ્યવાટ : ભૂલી...
પગલેપગલે પાવક પ્રજળે; ને આંખે ઠર્યો અંધકાર;
પામર દેહની પીઠ રહી વહી ભવરણકેરો ભાર:
હવે સંત! દોરો સુરવાટ : ભૂલી...
- કેશવલાલ હરગોવિંદદાસ શેઠ (Keshavlal Hargovinddas Seth - Bhuli panth bhamu din raat. Poems in Gujarati. Literature and art site)
June 26, 2005 in કવિતા (kavita) | Permalink | Comments (1) | TrackBack
June 25, 2005
ગણપત પરમાર - છે
નરી ઝંખનાથી સભર આ નગર છે
રહો છો તમે તે જગા કાચઘર છે
મહોબત કરી લો તમે આજ મનથી
અહીં કોઇને કાલની ક્યાં ખબર છે
નહીંતર મહેકે નહીં આ હથેળી
મળેલા નવા સ્પર્શની આ અસર છે
પ્રસંગો નવા છે અનુભવ નવા છે
થશે રાહમાં શું? અજાણી સફર છે
નથી કોઇ કારણ હવે દૂરતાનું
વિહગ પાંખશી વિસ્તરેલી નજર છે.
- ગણપત પરમાર (Ganpat Parmar - Chhe. Poems in Gujarati. Literature and art site)
June 25, 2005 in કવિતા (kavita) | Permalink | Comments (0) | TrackBack
June 24, 2005
મનહર મોદી - તડકો
તડકો
તારો વિશેષ સ્પર્શ ફરી માણવા મળે
આકાશ હોય આંખમાં ને ચાલવા મળે
તડકો ટચાક ટેરવે ઝૂલે ને ગણગણે
મારી સમીપ એમ મને આવવા મળે
ખબળે છે દ્વાર એમનાં આવાગમન સમાં
સાચે કશું ન હોય છતાં આવ-જા મળે
ટુકડો સુંવાળું સુખ મને ના કામનું જરા
આખું મળે તો થાય, તને આપવા મળે
ઊગે છે કોઇ આંખમાં એવાંય સ્વપ્ન બે
એક દેખવા મળે ને બીજું દાઝવા મળે
- મનહર મોદી (Manohar Modi- Tadko. Ghazal in Gujarati. Literature and art site)
June 24, 2005 in ગઝલ (ghazal) | Permalink | Comments (0) | TrackBack
June 23, 2005
પ્રધુમ્ન તન્ના - ફૂલોને
ફાગને ફળિયે ફૂલ બેઠાં બધાં
નાહકનો ભરી દાયરો હો જી,
રંગ-સુગંધનાં મૂલ કરે એવો
ક્યાં છે સોદાગર વાયરો હો જી?
- પ્રધુમ્ન તન્ના (Pradhyumaan Tanna- Fhulo nei. Kavita Shayari in Gujarati. Literature and art site)
June 23, 2005 in કવિતા (kavita), શાયરી (shayari) | Permalink | Comments (0) | TrackBack
June 07, 2005
હરીન્દ્ર દવે - તમે કાલે નૈ તો
-હરીન્દ્ર દવે (Harindra Dave - tame kaale nahi toe. Poems in Gujarati. Literature and art site)
June 7, 2005 in કવિતા (kavita) | Permalink | Comments (1) | TrackBack
June 04, 2005
પ્રહલાદ પારેખ - ધરતીનાં તપ
-પ્રહલાદ પારેખ (Prahlad Parekh Dharati Na Tap Poems in Gujarati. Literature and art site)
June 4, 2005 in કવિતા (kavita) | Permalink | Comments (0) | TrackBack
June 02, 2005
તેજસ જોષી - મે તને જોઈ છે
મે તને જોઈ છે
શિયાળાની સવારના તડકામાં
ઘાસની પર બાઝેલા ઝાંકળમાં
તાપણામાંથી ઉડતા તણખલામાં
મોંમાથી નીકળતી વરાળની કુમાશમાં
ફાટી ગયેલા હોઠની દઝાડતી ઝાંયમાં
ચાહમાંથી આવ્તી એલચીની સુગંધમાં
રસ્તા પર બેઠેલી સળેકડી નિર્જનતામાં
વ્રુક્ષમાંથી ચળાઈને આવતા સૂર્યકિરણોમાં
મંદિરમાં વાગતા નગારાનાં નાદમાં
પહાડ પરથી સરકી જતી વાદળીની ભીનાશમાં
પર્વતની ટોચ પર અને ખીણની કિનાર પર
ધુમ્મસમાં સરી જતી ઘટનાઓમાં
રણમાં ઊગતા મ્રુગજળના પાણીમાં
ધૂળની ડમરીમાં અને સૂરજની ગરમીમાં
પહેલા વરસાદની ભીની ખુશ્બુમાં
નળીયેથી ટપકતી ધારમાં
ટ્રેનની બારીમાંથી આવતી વાછ્ટમાં
સપ્તરંગી મેઘધનુષમાં
વરસાદ સાથે 'બેલે' કરતાં વ્રુક્ષોમાં
આખી રાત ટમટમતા આસમાની તારલાઓમાં
પૂનમની ચાંદનીમાં અને અમાસના અંધકારમાં
રોડ ઊપર ઢોળાઈ જતી નિયોન સાઈન લાઈટમાં
ઊગતા સૂરજનાં પહેલા કિરણમાં
વસંતના વ્રુક્ષોની લીલાશમાં
ફૂલોની મદહોશ સુવાસમાં
પતંગિયાની પાંખોથી વિંઝાતી હવામાં
ભમરા અને ફૂલોના સંભોગમાં
બાળકના બોખા હાસ્યમાં
પ્રેમી યુગલની આગોશમાં
-તેજસ જોષી (Tejas Joshi - Mein tane joi chhe. Poems in Gujarati. Literature and art site)
June 2, 2005 in કવિતા (kavita) | Permalink | Comments (2) | TrackBack